პარლამენტის საშემოდგომო სესია რამდენიმე წუთის წინ სახელმწიფო ჰიმნით დაიხურა.
დღევანდელ რიგგარეშე სხდომაზე დეპუტატებმა 62 საკითხზე იმსჯელეს, მათ შორის 2011 წლის სახელმწიფო ბიუჯეტის პროექტი დაამტკიცეს.
პარლამენტის რეგლამენტის თანახმად, საშემოდგომო სესია დეკემბრის მესამე პარასკევს იხურება. ამავე რეგლამენტის შესაბამისად, დეპუტატებს უფლება აქვთ საგაზაფხულო სესიის გახსნამდე დაისვენონ, თუმცა არ არის გამორიცხული, იანვარში რამდენიმე რიგგარეშე სხდომა მაინც დაინიშნოს.
კანონის თანახმად, საგაზაფხულო სესია თებერვლის პირველ სამშაბათს უნდა გაიხსნას.
