იძულებით გადაადგილებულ პირთათვის სახლების მშენებლობა-რეაბილიტაციაზე 219 მლნ ლარია დახარჯული.
ამის შესახებ პარლამენტის დღევანდელ სესიაზე, რომელზეც 2011 წლის სახელმწიფო ბიუჯეტის პროექტი განიხილეს, ფინანსთა მინისტრმა კახა ბაინდურაშვილმა განაცხადა.
"დევლითათვის სახლების მშენებლობაზე ყველაზე მეტი თანხა 2008 წელს, აგვისტოს ომის შემდეგ პერიოდში დაიხარჯა. 2009 წელს დონორებიდან მიღებული 48 მილიონიდან 45 მილიონის ათვისება მოხდა, წელს კი სახელმწიფომ ამ მიმართულებით კიდევ უფრო მეტი თანხის - 135 მილიონი ლარის მოძიება მოახერხა. ეს თანხა დაგვეხმარება, რომ დევნილებისთვის საცხოვრებელი სახლების მშენებლობის პროცესი დასასრულისკენ წავიყვანოთ", - განმარტა ბაინდურაშვილმა.
შეგახსენებთ, რომ პარლამენტი მომავალი წლის სახელმწიფო ბიუჯეტის პროექტს დღევანდელ რიგგარეშე სესიაზე დაამტკიცებს, რომლითაც საშემოდგომო სესიაც დაიხურება.
