ბათუმი-ქობულეთისMშემოვლითი გზის Mმშენებლობა იანვარში დაიწყება.
როგორც ფინანსთა მინისტრმა კახა ბაინდურაშვილმა პარლამენტის დღევანდელ სესიაზე 2011 წლის სახელმწიფო ბიუჯეტის პროექტის წარდგენისას განაცხადა, შესაბამისი ტენდერი უკვე გაიმართა.
"გზების მშენებლობისთვის 83 მილიონი ლარია გამოყოფილი", - აღნიშნა ბაინდურაშვილმა.
გარდა ამისა, მისივე განმარტებით, მალევე დაიწყება ზესტაფონი-სამტრედიის მონაკვეთის მშენებლობაც (რომელიც ზესტაფონი-ქუთაისის შემოვლითი გზის გაყვანასაც ითვალისწინებს), რაზეც 600 მლნ ლარი დაიხარჯება.
"ორივე პროექტი - როგორც აჭარის, ისე იმერეთის შემოვლითი გზა ძალზედ მნიშვნელოვანია. ეს ხელს უწყობს საქართველში სატრანსპორტო შესაძლებლობების გაზრდას, რამაც, ბუნებრივია, ტვირთბრუნვის ზრდა უნდა გამოიწვიოს და ტურისტების გადაადგილებას", - დასძინა ფინანსთა მინისტრმა.