ამის შესახებ ფინანსთა მინისტრმა კახა ბაინდურაშვილმა პარლამენტის დღევანდელ სესიაზე, 2011 წლის სახელმწიფო ბიუჯეტის პროექტის წარდგენისას განაცხადა და აღნიშნა, რომ უხვმოსავლიანობისთვის მთავრობა სპეციალური თესლის შემოტანას გეგმავს.

"სოფლის მეურნეობის სამინისტროსთვის გამოყოფილი თანხის უდიდესი ნაწილი მაღალპროდუქტიული მარცვლეულისა და თესლის შემოტანას გეგმავს, რომელიც ახუთმაგებს მოსავალს. მაგალითისთვის, 2012 წელს, ჩვენ შევძლებთ არა მხოლოდ ჩავანაცვლოთ სიმინდის იმპორტი, არამედ გავხდეთ ამ პროდუქტის ექსპორტიორი ქვეყანაც", - განმარტა მინისტრმა.

აღნიშნულის გარდა, მისივე თქმით, სოფლის მეურნეობის სამინისტროს 2011 წლის ბიუჯეტით გაწერილი თანხების საკმაოდ დიდი ნაწილი სასოფლო-სამეურნეო ტექნიკის შეძენასა და მოსავლის დაბინავებისთვის დაიხარჯება.

შეგახსენებთ, რომ სოფლის მეურნეობის სამინისტროს ბიუჯეტი წელს 13 მილიონ ლარს შეადგენდა, 2011 წელს კი ის თითქმის 40 მლნ-იანი რესურსით გაიზარდა.