ნესტან კირთაძემ მოსკოვში თავისი მორიგი სამეცნიერო-შემოქმედებითი მივლინება დაასრულა, რომელიც 3-17 დეკემბერს გრძელდებოდა.
როგორც "ჯი-ეიჩ-ენს" კირთაძემ აცნობა, მივლინების ფარგლებში მან რამდენიმე მნიშვნელოვანი და საინტერესო შეხვედრა გამარტა. მათ შორის, რუსეთის საგარეო უწყებაში, სადაც იგი UNESCO-ს რუსეთის გენერალურ მდივანს შეხვდა.
"შეხვედრამ თბილ და საქმიან ვითარებაში ჩაიარა. საუბარი შეხეო საუკუნის პროექტის "ნათელი ქრისტესი. საქართველოს"-ს მოსალოდნელი პრეზენტაციის გამართვას პარიზში UNESCO-ს შტაბ ბინაში", _ განაცხადა კირთაძემ. მისივე თქმით, გენერალურმა მდივანმა ხაზგასმით აღნიშნა, რომ "ამ დიდებული პროექტის მნიშვნელობა, რომელიც სახელმწიფოებრივი ფუნქცია შეიძინა და დღეისთვის რუსეთ-საქართველოს ამ ურთულეს დროს აქცენტებს აკეთებს ღირებულებით ურთიერთობებზე".
ნესტან კირთაძე აღნიშნავს, რომ შეხვედრაზე საუბარი შეეხეო სხვადასხვა დარგის ცნობილი ქართველი მეცნიერების შესაძლებლობებს მნიშვნელოვან საერთაშორისო პროექტებში. აქვე აღინიშნა, რომ დღეისათვის ამას ხელს უშლის რუსეთ-საქართველოს შორის დიპლომატიური ურთიერთობების არქონა.
მხარეებმა იმედი გამოთქვეს, რომ ადრე თუ გვიან ურთიერთობების მოწესრიგდება და რუსეთ-საქართველოს ურთიერთობები ორმხრივი და მრავალმხრივი ურთიერთხელსაყრელი ურთიერთობების რეჟიმში გადავა.
მივლინების ფარგლებში ნესტან კირთაძემ შეხვედრები გამართა გამომცემლობა UP-PRINT- ისა და მოსკოვში სამუშაო ვიზიტად მყოფ ფრანგ და გერმანელ გამომცემლებთან.
შეხვედრაზე განიხილეს რამდენიმე ერთობლივი პროექტი, რომელსაც განხილვისა და დამტკიცების შემთხვევაში ხელი მოეწერება ბერლინსა და პარიზში.
"თემა, ცხადია, კვლავ საქართველო. მისი ცივილიზაციის, უნიკალური ისტორიისა და კულტურის პროპაგანდაა მთელს მსოფლიოში. დგეს საქართველო თავისი ისტორიის ერთ-ერთ ყველაზე მძიმე ფურცლებს შლის, მაგრამ იგი უნდა გაიცნოს მთელმა მსოფლიომ არა მხოლოდ მისი პრობლემებით, არამედ მისი უნიკალურობითა და დიდებულებით. ყოველი წიგნი საქართველოს შესახებ, გამომავალი
საერთაშორისო არენაზე, ჩვენი მხრიდან არის გზავნილი თანამედროვე გლობალისტური სამყაროსათვის პატარა, მაგრამ დიდი ისტორიის, კულტურისა და ცივილიზაციის საქართველოდან ," _ განაცხადა კირთაძემ მოსკოვიდან გამომგზავრების წინ.
ნესტან კირთაძე თბილისში დღეს დაბრუნდება.