საქართველოს არქიტექტორთა კავშირში დისკუსია თემაზე „კონსტრუქტივიზმი - თბილისის დასაცავი ფასეულობა" გაიმართება.
როგორც ღონისძიების ორგანიზატორები აცხადებენ, ყოფილი "ზარია ვოსტოკას" რედაქციის შენობა რისკის წინაშეა, რადგან მისი ნგრევა დაწყებულია.
"დღეს უკვე მიმდინარეობს "ზარია ვოსტოკას" რედაქციის შენობის უკანა ნაწილის ნგრევა. იმელის შენობის მაგალითით, ვფიქრობთ ძეგლის დასახიჩრების საშიშროების წინაშე ვართ. მოვითხოვთ "ზარია ვოსტოკას" რედაქციის შენობაზე დაგეგმილი ჩასატარებელი სამუშაოების პროექტის საჯარო განხილვას და აგრეთე იმელის შენობის ნგრევის პროცესის სასწრაფოდ შეჩერებას და ზომების მიღებას ძეგლის აღსადგენად",-აღნიშნულია საქართველოს არქიტექტორთა კავშირის მიერ გავრცელებულ განცხადებაში.
მათივე ინფორმაციით, პრეზენტაცია-დისკუსიას თემაზე „კონსტრუქტივიზმი - თბილისის დასაცავი ფასეულობა" არქიტექტურის ისტორიკოსი პროფესორი მაია მანია წარმართავს.
ღონისძიება დრეს, 17 დეკემბერი, 16:00 საათზე გაიმართება.
მისამართი: საქართველოს არქიტექტორთა კავშირი, აღმაშენებლის პროსპექტი 89/24, მე-3 სართული (ყოფილი გორპროექტის შენობა).
მასალის გამოყენების პირობები