საპარლამენტო უმრავლესობა და მთავრობა მიწის გადასახადისგან მაღაროების გათავისუფლების საკითხზე კონსულტაციებს განაგრძობს.
აღნიშნულთან დაკავშირებით ცვლილებები სავარაუდოდ "საგადასახადო კოდექსში" პროექტში აისახება, რომელიც მეორე მოსმენითაა მიღებული.
საპარლამენტო უმრავლესობაში განმარტავენ, რომ ახალ "საგადასახადო კოდექსში" შესაბამისი რეგულაცია ისედაც არსებობს, თუმცა ნათლად არ არის ჩამოყალიბებული და ამიტომ ის ორმაგი ინტერპრეტაციის საშუალებას იძლევა.
აღსანიშნავია, რომ კანონპროექტის მეორე მოსმენით განხილვისას იურიდიულ საკითხთა კომიტეტის თავმჯდომარე პავლე კუბლაშვილმა კენჭისყრა იმ მუხლის გარეშე მოითხოვა, რომელიც პროექტში ჯერჯერობით არ არსებობს და რომელიც მაღაროების მიწის გადასახადისგან გათავისუფლებას ეხება.
