ეკონომიკისა და მდგრადი განვითარების მინისტრი ვერა ქობალია საზღვაო დარგის სპეციალისტებს შეხვდა. შეხვედა ბათუმში, სასტუმრო "შერატონში" გაიმართა და მისი მიზანი იყო, გაანალიზდეს საზღვაო სფეროში არსებული პრობლემები და დარგის სპეციალისტებთან ერთად მისი გადაჭრა მოხდეს.
ქობალიას განმარტებით, საქართველოში უკვე ჩამოვიდნენ ინგისელი სპეციალისტები, რომლებიც ქართულ მხარეს სტრატეგიის დაწერაში დაეხმარებიან. ერთიანი სატრანსპორტო ადმინისტრაციის უფროსი ირაკლი დავითაძე კი აცხადებს, რომ სისტემა ტოტალურად უნდა შეიცვალოს.
შეგახსენებთ, რომ ევროპამ ქართველი მეზღვაურების დიპლომების დასაშვებობა ეჭქვეშ დააყენა, რაც იმას ნიშნავს, რომ, შესაძლოა, ქართველი მეზღვაურები ევროპულ გემებზე ვერ დასაქმდნენ.
ქობალიას განმარტებით, 2006 წელს საქართველოში ჩამოსული იყო ევროკავშირის აუდიტი და იმავე წელსვე დადებული აუდიტორული დასკვნით, ევროკავშირმა საქართველოს რამდენიმე პუნქტის შესრულება მოსთხოვა. რამდენიმე პუნქტი უკვე დაკმაყოფილებულია, თუმცა რამდენიმე პუნქტის შესრულებისთვის ჯერ კიდევ ბევრია სამუშაო.
ევროპის საზღვაო ორგანიზაცია "EMSA"-მ საქართველოს სატრანსპორტო ადმინისტრაციაში კვლევა 2006-2007 წლებში ჩაატარა. დარღვევების შესახებ კი გაფრთხილება საქართველოს სატრანსპორტო ადმინისტრაციამ მიმდინარე წელს მიიღო.
