უკრაინის არმია რუსული ჯარის მხრიდან ბახმუტში რუსეთის თავდაცვის ხაზის გარღვევისას იმაზე მეტ წინააღმდეგობას შეხვდნენ, ვიდრე მოელოდნენ, თუმცა პირველ წარმატებებს მიაღწიეს.
ამის შესახებ ტელერახ CNN-ს ორმა ამერიკელმა ოფიციალურმა პირმა განუცხადა.
ამერიკული მხარის ინფორმაციით, უკრაინელმა სამხედროებმა ბახმუტიდან აღმოსავლეთით რუსული ძალების ნაწილი განდევნეს. თუმცა რუსები, რომლებიც შეიარაღებულები არიან ანტისატანკო რაკეტებით, ყუმბარმტყორცნებითა და ნაღმტყორცნებით, სასტიკ წინააღმდეგობას უწევენ.
რუსულმა ძალებმა გათხარეს თავდაცვითი ხაზები, რომლებიც ზოგან რამდენიმე ფენის სიღრმეშია და სავსეა დანაღმული ველებით, რამაც CNN-ის რესპოდენტების თქმით, მნიშვნელოვანი ზარალი მიაყენეს უკრაინის ჯავშანტექნიკას.
ერთ-ერთმა ამერიკელმა ოფიციალურმა პირმა მნიშვნელოვან ზარალზე საუბრისას დააზუსტა, რომ საუბარია კერძოდ, MRAP-ის ტიპის ჯავშანტრანსპორტიორებზე, რომლებიც უკრაინას ამერიკამ გადასცა.
ასევე CNN-ის წყაროს თქმით, უკრაინის ძალების ბოლო დანაკარგები ვერ მოახდენენ გავლენას უკრაინის გაცილებით მასშტაბურ კონტრშეტევაზე.
CNN აღნიშნავს, რომ ამერიკელი და დასავლელი ოფიციალური პირები მოელოდნენ, რომ კონტრშეტევას დასჭირდებოდა დიდი დრო და უკრაინელ სამხედროებს, ტექნიკას, მათ შორის დასავლეთის მიერ გადაცემულ სისტემებს დიდი რისკის ქვეშ დააყენებდა.
