პარლამენტთან აქცია სახელწოდებით "დაიცავი გამოხატვის თავისუფლება!" მიმდინარეობს.
აქციაზე იმყოფებიან სამოქალაქო აქტივისტები, ოპოზიციონერი პოლიტიკოსები და სამოქალაქო საზოგადოების წარმომადგენლები. ისინი პოლიციის მიერ 2 ივნისს მშვიდობიანი პროტესტისას მოქალაქეებისთვის ბანერების წართმევას და დაკავებას აპროტესტებენ.
აქციის მონაწილეთა ნაწილმა საკანონმდებლო ორგანოს უკანა შესასვლელთან გადაინაცვლა, სადაც ლაზარე გრიგორიადისის მამისთვის სოლიდარობის გამოცხადებას გეგმავენ. ბექა გრიგორიადისმა რამდენიმე დღის წინ კარვის გაშლა სცადა, თუმცა პოლიციამ დააკავა. ის სასამართლომ 2 000 ლარით დააჯარიმა.
2 ივნისს პარლამენტის შენობის წინ პოლიციამ რამდენიმე აქტივისტი დააკავა. დაკავებულთა შორის არიან საქართველოს დემოკრატიული ინიციატივის თავმჯდომარე - ედუარდ მარიკაშვილი, ღია საზოგადოების ფონდის თანამშრომელი - საბა ბრაჭველი, აქტივისტი - ნიკა რომანაძე და სხვები.