„ნაციონალურმა მოძრაობამ“ მიხეილ სააკაშვილის მხარდამჭერი აქცია გამართა.
კლინიკა „ვივამედთან“ შეკრებილებმა ყოფილი პრეზიდენტის სამკურნალოდ საზღვარგარეთ გადაყვანა მოითხოვეს.
როგორც მათ განაცხადეს, სააკაშვილი საჭირო სამედიცინო დახმარებას „ვივამედის“ სამედიცინო დაწესებულებაში ვერ იღებს.
„ერთიანი ნაციონალური მოძრაობის“ პოლიტსაბჭოს წევრის, ირაკლი ფავლენიშვილის განცხადებით, მიხეილ სააკაშვილის თავისუფლება სჭირდება ქვეყანას, რადგან დაბრუნდეს გეოპოლიტიკური ლიდერის პოზიციაზე.
„მიხეილ სააკაშვილი უნდა იყოს თავისუფალი და უნდა გამოვიდეს არა სამაჯურით, არამედ უნდა იყოს თავისუფალი და ჩაერთოს პოლიტიკურ პროცესში, რადგან ეს „ნაციონალურ მოძრაობას“ კი არ ჭირდება ან მიხეილ სააკაშვილს კი არ ჭირდება, ეს ჭირდება ჩვენს ქვეყანას იმისთვის, რომ ჩვენ დავბრუნდეთ გეოპოლიტიკური ლიდერის პოზიციაზე.
