უკრაინული მედიის ინფორმაციით, უკრაინის ომთან დაკავშირებით შექმნილ უნგრეთის მთავრობის მშვიდობის მხარდამჭერ ვიდეორგოლში ყირიმის ნახევარკუნძული რუსეთის შემადგენლობაშია.
„ათობით ათასი ბავშვი დაობლდა, ასობით ათასი სახლი დაინგრა, ათ მილიონზე მეტი ადამიანი იძლებული გახდა სახლები დაეტოვებინა, მაგრამ ომი გრძელდება და შესაძლოა, ადვილად გახდეს გლობალური. საკმარისია ომი, მხოლოდ ცეცხლის შეწყვეტას შეუძლია დაასრულოს განადგურება, მხოლოდ სამშვიდობო მოლაპარაკებებს შეუძლია სიცოხლის გადარჩენა. დადგა მშვიდობის დრო“, - ნათქვამია ვიდეორგოლში.
ამ სიტყვებს ახლავს დევნილი ბავშვებისა და ქალების უსათაურო ვიდეოები, ტანკები და უკრაინის რუკა, რომელიც არ მოიცავს ყირიმის ტერიტორიას.
ოფიციალურად, უნგრეთი, ისევე როგორც მსოფლიოს ქვეყნების დიდი უმრავლესობა, არ აღიარებს ყირიმის უკანონო ანექსიას.
