გარემოს დაცვისა და ბუნებრივი რესურსების სამინისტროში, გარემოს დაცვის მინისტრმა გოგა ხაჩიძემ, დაცული ტერიტორიების სააგენტოს თავმჯდომარე გიორგი შონვაძემ, „საქართველოს ბანკის" გენერალურმა დირექტორმა ირაკლი გილაურმა, „საქართველოს ბანკის მომავლის ფონდის" დირექტორმა ნათია ჯორჯიკიამ და „კავკასიის ბუნების ფონდის" ჩNF აღმასრულებელმა დირექტორმა დევიდ მორისონმა საგრანტო დაფინანსების შეთანხმებას მოაწერეს ხელი.
შეთანხმების მიხედვით ბორჯომ-ხარაგაულის ეროვნული პარკის მხარდასაჭერად 2011 წლის იანვარში „საქართველოს ბანკის მომავლის ფონდი" ერთი წლით გამოყოფს 75 000 აშშ დოლარის საგრანტო დაფინანსებას, რომელიც მოხმარდება ეროვნული პარკის მოვლას და მიმდინარე ხარჯების დაფარვას.
საგრანტო დაფინანსების შეთანხმების ფარგლებში დაცული ტერიტორიების სააგენტო და „საქართველოს ბანკი" მომავალი წლის განმავლობაში მოაწყობენ ბორჯომ-ხარაგაულის ეროვნულ პარკთან დაკავშირებულ ერთობლივ გარემოს დაცვით ღონისძიებებს.