ომის დაწყების მიზეზი იყო უკრაინის ნება და განზრახვა გამხდარიყო ნატოს წევრი, ამიტომ ვხედავთ შედეგებს, - ამის შესახებ საქართველოს პრემიერ-მინისტრმა ირაკლი ღარიბაშვილმა ბრატისლავაში, გლობალური უსაფრთხოების ფორუმის (GLOBSEC) ფარგლებში, თემატურ დისკუსიაში მონაწილეობისას განაცხადა.
მან უპასუხა შეკითხვას, თუ რატომ დაიწყო რუსეთმა ომი 2022 წელს უკრაინასთან?
„არა მგონია მე ვიცოდე, ერთ-ერთი მიზეზი იყო ნატო, ნატოს გაფართოება, ხომ ასეა და ბევრი სხვა მიზეზი. არ მინდა ამაზე სპეკულირება, არც ციტირება მინდა რუსეთის მთავრობის, მაგრამ ერთ-ერთი მიზეზი იყო უკრაინის ნება და განზრახვა, რომ გამხდარიყო ნატოს წევრი, ამიტომ ჩვენ ვხედავთ შედეგებს,“- აღნიშნა ირაკლი ღარიბაშვილმა.
