უკრაინის უმაღლესმა რადამ დაარეგისტრირა დადგენილების პროექტი, რომლის დამტკიცების შემთხვევაში, უკრაინულ ენაზე საქართველოს აღარ უწოდებენ "Грузія"-ს და მას ისტორიული სახელით - "საქართველოთი" შეცვლიან.
რადას ოფიციალურ ვებგვერდზე არსებული ინფორმაციით, ინიციატივა არაერთ დეპუტატს ეკუთვნის.
"უკრაინაში ქვეყნის ოფიციალური და ისტორიული სახელწოდების "საქართველოს" გამოყენების მიზნით, უკრაინის უმაღლესი რადა ადგენს: უკრაინაში ოფიციალურ დონეზე, ოფიციალურ მიმოწერასა და კომუნიკაციაში, Грузія-ს ნაცვლად ისტორიული სახელწოდება "საქართველო" გამოიყენოს, შესაბამისად, ქართველ ხალხს (ქართველებს) ეწოდოს ქართველები", - აღნიშნულია დოკუმენტში.
