დნიპროში რუსეთის სარაკეტო თავდასხმის შედეგად დაშავებულთა რაოდენობა 30-მდე გაიზარდა. ამის შესახებ დნიპროპეტროვსკის ოლქის სამხედრო ადმინისტრაციის ხელმძღვანელმა სერჰი ლისაკმა განაცხადა.
ამ დროისათვის ცნობილია ორი დაღუპულის შესახებ.
ლისაკის ცნობით, დაშავებულთა შორის ორი ბავშვია. კიდევ სამი ადამიანი კი, რომლებიც სავარაუდოდ, თავდასხმის ადგილზე უნდა ყოფილიყვნენ, კავშირი ამ დრომდე არ არის.
დნიპროპეტროვსკის ოლქს ოკუპანტები მთელი ღამის განმავლობაში მასირებულად ბომბავდნენ. დილით კი, მორიგი სარაკეტო დარტყმა სამედიცინო დაწესებულების წინააღმდეგ განხორციელდა.
ლისაკის ინფორმაციით, დარტყმების შედეგად გაჩენილმა ხანძარმა სამედიცინო დაწესებულების 1000 კვადატული მეტრი მოიცვა. სამსართულიანი შენობა ნაწილობრივ დაზიანდა. ასევე დაზიანდა მრავალსართულიანი საცხოვრებელი სახლი.