ამერიკის შეერთებული შტატები გეგმავს უკრაინას სამხედრო დახმარების ახალი პაკეტი გადასცეს, რომლის ღირებულებაც 300 მლნ დოლარი იქნება. აღნიშნული პაკეტი ძირითადად დამატებით საბრძოლო მასალას მოიცავს. ინფორმაციას Reuters ავრცელებს.
მოსალოდნელია, რომ სამხედრო დახმარების ახალ პაკეტში შევა ზალპური ცეცხლის რეაქტიული სისტემების მეტი მართავდი რაკეტა HIMARS-ის გამშვები დანადგარებისთვის.
სამხედრო აღჭურვილობას უკრაინა აშშ-ის არმიის მარაგებიდან მიიღებს.
დახმარების ახალი პაკეტი, შესაძლოა, პარასკევს, 26 მაისს გამოცხადდეს.
ამის გარდა, დახმარების მოცულობა შესაძლოა, შეიცვალოს, ვიდრე მას ხელს ჯო ბაიდენი მოაწერს.
შეგახსენებთ, გასულ კვირას პენტაგონმა უკრაინისთვის 375 მლნ დოლარის ღირებულების პაკეტი გამოყო.
ომის დაწყებიდან აშშ-მა უკრაინას უკვე 36,9 მლრდ დოლარის ღირებულების სამხედრო დახმარება გადასცა.
