ევროკომისიის წარმომადგენლის ტიმ მაკფის განცხადებით, ევროკავშირი რუსეთის ენერგეტიკაზე დამოკიდებული აღარ არის. მაკფიმ ამის შესახებ ბრიფინგზე ისაუბრა. მისი თქმით, გაზის მოხმარების გეგმის შემცირების წყალობით, ევროკავშირმა რუსეთზე ენერგოდამოკიდებულება დაძლია.
„ბოლო ერთი წლის განმავლობაში ევროპამ რუსულ ენერგეტიკაზე დამოკიდებულების დასრულების გეგმასთან დაკავშიებული ამბიცია განახორციელა. ამიერიდან შეგვიძლია განვაცხადოთ, რომ ჩვენ მასზე დამოკიდებულები აღარ ვართ“, - თქვა მაკფიმ.
მაკფის სიტყვებით, ევროკავშირმა შეწყვიტა რუსული ქვანახშირის იმპორტი, რუსული ნავთობის იმპორტი კი შეადგენს მცირე წილს იმ მოცულობიდან, რომელიც უკრაინაში რუსეთის სრულმასშტაბიანი ომის დაწყებამდე იყო.
