„არ გაგიკვირდეთ კრემლის მეხოტბეების საქართველოში ჩამოსვლა, რადგან ყველაზე დიდი მოცეკვავეთა ჯგუფი - ივანიშვილი, კობახიძე, ღარიბაშვილი აქ არიან და ჩამოსვლა არ სჭირდებათ.“ - განაცხადა „ერთიანი ნაციონალური მოძრაობის“ თავმჯდომარემ, ლევან ხაბეიშვილმა.
ლევან ხაბეიშვილი გამოეხმაურა რუსეთიდან ურალის ხალხური ფოლკლორული ანსამბლის ,,კამუშკა-ს“ ჩამოსვლას თბილისში.
„ყველაზე დიდი კრემლის მოცეკვავეთა ანსამბლი არის საქართველოს ხელისუფლება და საქართველოს პარლამენტის უმრავლესობა. ყველაზე დიდი მოცეკვავეთა ჯგუფი თუ ვინმე არის საქართველოში და არსად ჩამოსვლა არ სჭირდებათ და აქ არიან - ირაკლი ღარიბაშვილი, კოლექტიური კობახიძეები, მდინარაძეები. შესაბამისად, არ გაგიკვირდეთ კრემლის მეხოტბეების საქართველოში ყოფნა და აქ ჩამოსვლა, რადგან აქ არიან, მთავარ მოცეკვავეებს - კრემლში კობახიძეს, ღარიბაშვილს, ივანიშვილს ჩამოსვლა არ სჭირდებათ ,აქ არიან და ხელისუფლებაში არიან, ყველაზე დიდი ანსამბლი დღეს მთავრობაშია, ამიტომ ყველა ჯერზე, როცა თქვენ გიკვირთ ასეთი გადაწყვეტილებები რუსული პარტიის, ყველამ უნდა იცოდეთ დაზუსტებით და კარგად, თუ ჩვენ ამათ არ გავყრით ეს მოცეკვავეთა ანსამბლები და კრემლთან მოთამაშეთა ჯგუფი გაიზრდება,”- განაცხადა ლევან ხაბეიშვილმა.
