ამ ბარბაროსულ ომში, რომელსაც აწარმოებს პუტინი უკრაინაში, „რუსული პარტიის“ პრემიერ მინისტრი ირაკლი ღარიბაშვილი აკეთებს ანტისახელმწიფოებრივ განცხადებას და მეტყველებს რუსი პროპაგანდისტების ენით, - ამის შესახებ „ერთიანი ნაციონალური მოძრაობის“ თავმჯდომარემ, ლევან ხაბეიშვილმა განაცხადა.
ის გამოეხმაურა კატარში ირაკლი ღარიბაშვილის მიერ გაკეთებულ განცხადებებს.
„უახლოეს თვეებში უკრაინას აუცილებლად ექნება წარმატება ბარბაროსულ ომში, რომელსაც აწარმოებს პუტინი უკრაინა უკრაინელი ხალხის წინააღმდეგ უკრაინა ამ ომში აუცილებლად გაიმარჯვებს, გაიმარჯვებს მშვიდობა, გაიმარჯვებს ცივილიზებული სამყარო და ამ დროს ჩვენ ვხედავთ ანტისახელმწიფოებრივ განცხადებებს, „რუსული პარტიის“ პრემიერ მინისტრისგან ანტონი ღარიბაშვილისგან, რომელიც ამბობს, რომ თურმე უკრაინას უნდა საქართველოს ომში ჩართვა, ამერიკას, ცივილიზებულ სამყაროს უნდა და ცხადია ეს ტყუილია და ეს არის რუსული პროპაგანდა. ამას მხოლოდ საუბრობენ კრემლში, ამას მხოლოდ იკადრებენ მარგარიტა სიმონიანი და სალავიოვი, პუტინი, ლავროვი, მაგრამ ჩვენდა სამწუხაროდ საქართველოში კადრულობს ირაკლი ღარიბაშვილი და რეალობაში უკრაინა ჩვენგან ითხოვს მხოლოდ და მხოლოდ მეგობრობას საერთო მტრის წინააღმდეგ და ითხოვს იმას, რომ მკვლელ პუტინს არ მივცეთ ეკონომიკური დოვლათი იმისთვის, რომ უკრაინაში გააგრძელოს უკრაინელი ხალხის ხოცვა მათი შევიწროვება, მათი ბარბაროსული ომი და პარალელურად გააგრძელოს საქართველოს ოკუპაცია, საქართველოს მოქალაქეების შევიწროება, ადამიანების გატაცება, მავთულხლართების გაბმა, ამას სთხოვს უკრაინა მხოლოდ საქართველოს ხელისუფლებას, მაგრამ თქვენ ხედავთ რუსულ სტილში, რუსული პროპაგანდის შესაბამისად, რომ თითქოს ვინმეს სადმე ომი უნდა. რეალურად, თუ ვინმე ომს აქეზებს საქართველოში არის „რუსული ოცნება“, როცა ასიათასობით რუსი შემოდის საქართველოში და არ დაგვავიწყდეს ხვალ შეიძლება პუტინმა თქვას, რომ ამ რუსი მოქალაქეების დასაცავად მივდივარ ახლა მე საქართველოში. ამიტომ, ახლა თუ ვინმე პროვოცირებს ამ ყველაფერს ეს არის „რუსული პარტია“ - განაცხადა ლევან ხაბეიშვილმა.