პარტია "დროას" წევრის, გიგა ლემონჯავას თქმით, ელენე ხოშტარია სამართალდამცავებს კახეთის მთავარ სამმართველოში ჰყავთ, სადაც ადვოკატს შესვლის უფლებას არ აძლევენ.
"ვიმყოფებოდით თელავის პოლიციის განყოფილებაში, სადაც ჰყავდათ დილით დაკავებულები და არ უშვებდნენ ადვოკატებს, ადამიანებს არ აძლევდნენ ადვოკატის ყოლის უფლებას. ამ საკითხის გასარკვევად შევედით თელავის პოლიციაში, გვითხრეს, რომ არც ადვოკატს და არც ჩვენ არ შეგვიშვებდნენ. არადა ვიცოდით, რომ შიგნით არიან დღევანდელი დაკავებულები, სწორედ ამას მოყვა ეს ინციდენტი. ძალის გამოყენებით დაგვატოვებინეს შენობა და შემდეგ ელენე ხოშტარია დააკავეს. ახალ ვართ კახეთის მთავარი სამმართველოს შენობასთან, სადაც არის ელენე ხოშტარია და ადვოკატს აქაც არ აძლევენ შესვლის უფლებას. ეს არ არის საქართველო პოლიცია ეს არის რუსეთის პირადი სამსახური, ივანიშვილის და აქ ჩამოსული რუსების სამსახური," - განაცხადა გიგა ლემონჯავა.
გურჯაანის რაიონულმა სასამართლომ გასულ ღამეს დაკავებული ენმ-ს დეპუტატი ირაკლი ეძგვერაძე ცოტა ხნის წინ გაათავისუფლა. როგორც ეძგვერაძის უფლებადამცველი ამბობს, მისი დაცვის ქვეშ მყოფი ყვარელში, პოლიციის დაუმორჩილებლობის ბრალდებით დააკავეს.
