ევროპული საქართველოს თავმჯდომარე, გიგა ბოკერია პარლამენტში ენმ-ს წარმომადგენლების მიერ იუსტიციის საბჭოს კანდიდატების მხარდაჭერის ფაქტს გამოეხმაურა.
როგორც გიგა ბოკერიამ აღნიშნა, სამარცხვინოა, როცა რაღაცას აკეთებ და კი არ იცავ შენს პოზიციას, ჩუმად ცდილობ ამის გაკეთებას.
მისი თქმით, ივანიშვილის რეჟიმთან ამ ვითარებაში თანამშრომლობა სანქცირებულ სასამართლო სისტემასთან დაკავშირებით კატასტროფაა, ოღონდ ეს დეგრადაცია ნაბიჯ-ნაბიჯ ხდება ხოლმე.
„ჩვენ უნდა გვესმოდეს, რომ პოლიტიკური პარტიების წარმომადგენლების დეგრადაცია არ იწყება მაშინვე ასეთი საქციელით, ჯერ იწყება უბრალო ტყუილებით, როცა ერთს იძახი და მეორეს აკეთებ, ეს შეეხება მაგალითად პარლამენტში შესვლა-არ შესვლის საკითხს.
როცა გუშინ ერთს იძახდი და დღეს მეორეს ამბობ და არც ხსნი, რატომ შეიცვალე პოზიცია, მსგავსი ქმედებები ზოგადად, როცა მოსულა ტყუილი და სიცრუე, შემდეგ ასეთი შემთხვევებით მთავრდება ხოლმე“ - თქვა გიგა ბოკერიამ.