„თუ რომელიმე ოპოზიციონერმა დეპუტატმა არასწორად მისცა ხმა იმას, რომ კიდევ უფრო გამტკიცდეს კლანური მმართველობა იუსტიციის უმაღლეს საბჭოში, ვფიქრობ, უმჯობესი იქნება აღნიშნულთან დაკავშირებით ღია განცხადება გაკეთდეს.“ - განაცხადა „ერთიანი ნაციონალური მოძრაობის“ ფრაქციის თავმჯდომარემ, თინა ბოკუჩავამ.
„ნამდვილად ვერ შევალ და არ შევალ სპეკულაციაში ადამიანების ვინაობასთან დაკავშირებით, რადგან ეს არის ძალიან მძიმე ბრალდება, იმიტომ რომ ეს არის ძალიან მნიშვნელოვანი საკითხი, ეს არ იყო მორიგი უმნიშვნელო კენჭისყრა, ეს არის ქვეყნისთვის პრინციპულად მნიშვნელოვანი საკითხი, რადგან მართლმსაჯულების რეფორმა, რომლის სათავეშიც არის იუსტიციის უმაღლესი საბჭო, პირდაპირ გადაჯაჭვულია ჩვენი ქვეყნის ევროპული მიზნების რეალიზაციაზე, ამიტომ, სპეკულაციებში ნამდვილად ვერ შევალ, თუმცაღა ვთვლი, რომ თუ რაღაც ტექნიკურ შეცდომას ჰქონდა ადგილი და რომელიმე ოპოზიციონერმა დეპუტატმა არასწორად მისცა ხმა იმას, რომ კიდევ უფრო გამტკიცდეს კლანური მმართველობა იუსტიციის უმაღლეს საბჭოში, ვფიქრობ, უმჯობესი იქნება აღნიშნულთან დაკავშირებით ღია განცხადება გაკეთდეს, რადგან კიდევ ერთხელ ვიმეორებ ეს არის ქვეყნისთვის პრინციპული საკითხი, რადგან სწორედ მართლმსაჯულების სისტემის რეფორმაც, რომლის სათავეშიც არის იუსტიციის უმაღლესი საბჭო, არის ერთ-ერთი უმთავრესი მოთხოვნა ევროკავშირის მხრიდან.“ - ასე გამოეხმაურა თინა ბოკუჩავა იუსტიციის უმაღლესი საბჭოს წევრების არჩევას, სადაც ხმა ოპოზიციის წევრებმაც მისცეს.
