ეს არის უბრალოდ კატასტროფა, რაც ახლა ხდებოდა დარბაზში. ამას ჰქვია მანდატით ვაჭრობა, - ამის შესახებ პარტია „საქართველოსთვის“ წევრმა, ანა ბუჩუკურმა განაცხადა.
„იუსტიციის საბჭოს წევრის არჩევას სჭირდება 90 ხმა და თქვენ ნახეთ, რომ რამდენიმე კანდიდატზე დაფიქსირდა 93-91 მხარდამჭერი ხმა. აქ მნიშვნელოვანია საზოგადოებას ავუხსნათ, რომ კენჭისყრა არის ფარული, რაც ნიშნავს იმას, რომ ოპოზიციის რამდენიმე არა ერთმა და ორმა, არც თუ ისე ცოტა რაოდენობამ ხელისუფლების სასარგებლო კანდიდატს დაუჭირა ფარულად მხარი. მაგალითად, 93 მანდატის შემთხვევაში ცხრა ოპოზიციონერმა დაუჭირა მხარი „ქართული ოცნების“ სასარგებლო კანდიდატს. ჩვენ დავტოვეთ მალევე დარბაზი, ამ პროცესში მონაწილეობა არ მივიღეთ და აქ გვინდა ხაზი გავუსვათ, ეს ხდება ევრორეკომენდაციების და ევროპული გზის. ევროპული ინტეგრაციით ვაჭრობა, ვიწრო პოლიტიკური ინტერესების თუ პირადი ინტერესების გამო. ეს არის უბრალოდ კატასტროფა, რაც ახლა ხდებოდა დარბაზში. ამას ჰქვია მანდატით ვაჭრობა. აქვე საზოგადოებას მინდა, ვუთხრა, რომ ჩვენ გაცხადებული გვქონდა ორი კანდიდატის მიმართ მხარდაჭერა, სულხან სალაძე და კახა წიქარიშვილი, თუმცა ამ კანდიდატამდე არც მივიდა კენჭყისყრები ისე დავტოვეთ სხდომათა დარბაზი, როცა ცხადი გახდა, რომ სამწუხაროდ ოპოზიციის ზოგიერთმა წარმომადგენელმა ფაქტია ივაჭრა ქვეყნის ევროპული მომავლით“, – განაცხადა ბუჩუკურმა.
