„ქართულ ოცნებას“ იუსტიციის უმაღლეს საბჭოში აქვს უმრავლესობა, დამატებითი წევრები არ სჭირდებათ და ახლა ცდილობს ჩააგდოს ყველა კანდიდატურა,“- ამის შესახებ განაცხადა „ერთიანი ნაციონალური მოძრაობის“ პოლიტსაბჭოს თავმჯდომარემ, ლევან ბეჟაშვილმა.
„იუსტიციის საბჭოს არამოსამართლე წევრებთან დაკავშირებით ჩვენ ვხედავთ, რომ 7 თვის განმავლობაში „ქართული ოცნება“ ცდილობს საბოტირება მოახდინოს პროცესის და ჩააგდოს ყველა კანდიდატურა, რადგან „ქართული ოცნებას“ და სასამართლო კლანს იუსტიციის უმაღლეს საბჭოში აქვთ მათთვის სასურველი კომფორტული უმრავლესობა და დამატებითი წევრები, არამოსამართლე წევრების სახით არ სჭირდებათ. დღეს თუ დადგა საკითხი კენჭისყრაზე ბუნებრივია ჩვენ ჩვენს კანდიდატებს, რომელთა მიმართ ნდობა გამოხატული გვაქვს მხარს დავუჭერთ, მაგრამ უმჯობესია, რომ 12 პუნქტიანი გეგმის შესრულების სულისკვეთებიდან გამომდინარე მოხდეს კონსულტაციები საპარლამენტო ოპოზიციასა და უმრავლესობას შორის და მოხდეს პოზიციების დაახლოება კონკრეტულ კანდიდატებთან დაკავშირებით, რათა პარლამენტმა ერთობლივად, პოლიტიკური შეთანხმებით დანიშნოს შესაბამისი პირები არამოსამართლე წევრებად.“ - ასე გამოეხმაურა ლევან ბეჟაშვილი იუსტიციის საბჭოს არამოსამართლე წევრების არჩევას.
