ევროპული საქართველოს წევრი, თენგო კირთაძე ეხმიანება ქართული ოცნების თავმჯდომარის, ირაკლი კობახიძის განცხადებას, რომელმაც რუსეთთან "სხვადასხვა საკითხების განხლილვა" არ გამორიცხა.
კირთაძის თქმით, ქართულ ოცნებას სურს, რომ ოკუპანტთან ცივილური ურთიერთობა გახადოს საზოგადოებისთვის ნორმა და სწორი, რაც დაუშვებელია.
"კობახიძის განცხადება, რომ ორივე მხარე არის დაინტერესებული ურთიერთობების გაღრმავებით და ეს რთულ პროცესად მოიხსენია - სინამდვილეში, სირთულე მდგომარეობს მხოლოდ საზოგადოებრივ განწყობაში, რომელიც არის მკვეთრად უარყოფითი ოკუპანტ სახელმწიფოსთან მიმართებით. სწორედ ამ პროცესს ვადევნებთ თვალს, როგორ შეიცვალოს საზოგადოების მინიმუმ ერთ ნაწილში განწყობა რუსეთის მიმართ, რომ შესაძლებელი ცივილური ურთიერთობები ამ რეჟიმთან, რომ ჩვენ ავიაციის მიმოსვლა გვექნება, უვიზო რეჟიმის გაუქმება გვექნება და არ გვემუქრება საფრთხე რუსეთის ფედერაციის მხრიდან, რასაც ქართული ოცნება თავის დამსახურებად ჩაიწერს".- ამბობს კირთაძე.
