სპეციალური პენიტენციური სამსახურის ინფორმაციით, №8 პენიტენციურ დაწესებულებაში პურის საცხობი ამოქმედდა.
უწყების ცნობით, საცხობში პატიმრები დასაქმდნენ, რაც მათთვის რეაბილიტაციის საშუალება და დამატებითი შემოსავლის წყაროა.
„საცხობი პურით მოამარაგებს თბილისის ტერიტორიაზე მოქმედ პენიტენციურ დაწესებულებებს.
პენიტენციურ სისტემაში საცხობები უკვე ფუნქციონირებს რუსთავის, ქსნისა და №14 (გეგუთის) დაწესებულებებში.
სპეციალური პენიტენციური სამსახური მსჯავრდებულთა დასაქმების ხელშეწყობასა და საზოგადოებაში მათ ეფექტიან ინტეგრაციაზე ზრუნვას მომავალშიც აქტიურად გააგრძელებს“, - აღნიშნულია ინფორმაციაში.
