აქონდროპლაზიის სინდრომის მქონე ბავშვების მშობლების პროტესტი გრძელდება. რუსთველის გამზირზე მათი მსვლელობა მიმდინარეობს.
მშობლები მანამდე ათონელის რეზიდენციაში პრეზიდენტ სალომე ზურაბიშვილს შეხვდნენ.
ერთ-ერთი მშობლის თქმით,პრეზიდენტმა გამოთქვა მზაობა, ჩაერთოს პროცესში, რათა დაჩქარდეს მოვლენები, შეიქმნას ეროვნული პროტოკოლი და დროულად შემოვიდეს საქართველოში საჭირო მედიკამენტი - ვოზორიტიდი.
მშობლები მე-7 დღეა, მთავრობის კანცელარიასთან ღამეს ათევენ - ისინი მოითხოვენ, სახელმწიფომ ბიუჯეტიდან მედიკამენტისთვის საჭირო თანხები გამოყოს, რათა ბავშვებმა მკურნალობა შეძლონ.
