თავმჯდომარეობის გარდა, ყველაფერს დავუთმობ, ვინ გადავაგდოთ, მითხარი. დავიღალე მართლა, აღარ შემიძლია. თავმჯდომარედ ამირჩია ხალხმა და პასუხისმგებლობა ხომ მაქვს, – ამის შესახებ „ნაციონალური მოძრაობის“ თავმჯდომარე ლევან ხაბეიშვილმა „ტვ პირველთან“ საუბრისას ნიკა მელისთან დაკავშირებით განაცხადა.
„არჩევნებიო რომ იძახიან, სადაც უნდათ. 63 არჩევნებს ვატარებ, ჩავატარებ ყველა არჩევნებს. ჩვენ ყველა გავალთ პოლიტსაბჭოდან, ვინც არჩევნები მოვიგეთ და თვითონ იყვნენ, არ გვაქვს პრობლემა. ოღონდ ბიძინას ებრძოლონ და მოვიდნენ ყველა. სამდივნოებში უნდათ? იქაც მოვიდნენ. პოლიტსაბჭოში უნდათ? მოვიდნენ, ოღონდ მისამართი გაასწორონ. ნიკასაც თუ რამე უნდა „ნაციონალურ მოძრაობაში“, ნებისმიერ რამეზე მზად ვართ, ოღონდ თქვას, რა უნდა, მე ვერ გავიგე. მთელი ამ ხნის განმავლობაში არ გამიგია, სატელევიზიო სიუჟეტები აკეთონ მათ კლანზე, მურუსიძე-ჩინჩალაძეზე, ბიძინაზე, ივანიშვილის ოლიგარქობაზე. მიშამ აიღო ორი ჯილდო, ბაჩო რომ ხარ დოლიძე, თქვი, რომ ნახე, რა მაგარია, მიშამ ჯილდო აიღო, ერთხელ გაიარე ბიძინა ივანიშვილთან, მარტომ თუ გინდა და თქვი, რომ ოლიგარქია, რუსია. სამდივნოში თუ უნდა ბაჩოს, უთხარი, ხაბეიშვილს შენთან შეთავაზება აქვს-თქო, ოღონდ ბიძინაზე გადაერთე-თქო, ნებისმიერ სამდივნოს ხელი დაადოს“, – განაცხადა ლევან ხაბეიშვილმა.
