უკრაინული მედიის ცნობით, დონეცკის ოლქის ქალაქ სლავიანსკის დაბომბვის შედეგად დაღუპულთა რაოდენობა 11-მდე გაიზარდა. დაშავებულია კიდევ 21 ადამიანი. დაღუპულთა შორის არის 2 წლის ბავშვიც.
ხუთსართულიან სახლში დაღუპულია ექვსი ადამიანი. ნანგრევების ქვეშ ადმიანები კიდევ რჩებიან.
14 აპრილს რუსმა ოკუპანტებმა სლავიანსკზე სარაკეტო დარტყმა განახორციელეს, რუსეთის ძალებმა ქალაქს სულ მცირე 7 რაკეტა ესროლეს.
დაზიანდა 5 მრავალსართულიანი და 5 კერძო სახლი, სკოლა, დასასვენებლი სახლი, მაღაზია, სამეურნეო ცენტრი და 12 ავტომობილი.
უკრაინის პრეზიდენტი ვოლოდიმირ ზელენსკი გამოეხმაურა რუსეთის მიერ სლავიანსკის საცხოვრებელი უბნების სასტიკ დაბომბვას, და განაცხადა, რომ ტერორისტი სახელმწიფო სამართლიან სასჯელს მიიღებს.
„ბოროტმა სახელმწიფომ მორიგ ჯერზე აჩვენა თავისი არსი. დღისით ადამიანების მოკვლით, სიცოცხლის განადგურებითა და ნგრევით. ტერორიზმის ყოველი გამოვლინებისთვის დადგება სამართლიანი პასუხისმგებლობა. რუსეთის არც ერთი კვალი ჩვენს მიწაზე არ დარჩება. არც ერთი მტერი დაუსჯელი არ დარჩება“, - აღნიშნა ზელენსკიმ.
