იერუსალიმში მაცხოვრის საფლავზე, წმინდა ცეცხლის რიტუალი შესრულდა.
ცეცხლი, ტრადიციისამებრ, მაცხოვრის საფლავზე მდებარე კუვუკლიადან იერუსალიმის პატრიარქმა გამოიტანა.
წმინდა ცეცხლის გადმოსვლას აღდგომის ტაძარში მსოფლიოს სხვადასხვა ქვეყნის მომლოცველები ელოდებოდნენ.
რიტუალი თბილისის დროით 15:55 საათზე შესრულდა.
წმინდა ცეცხლს მომლოცველები საქართველოში დღეს საღამოს ჩამოიტანენ. იგი სააღდგომო ლიტანიობის დროს ყველა ტაძარში გავრცელდება და მორწმუნეებს მისი სახლში წაღების საშუალება ექნებათ.
ზეციური ცეცხლი იერუსალიმის აღდგომის ტაძარში პირველად III საუკუნეში გადმოვიდა.
