„დროას“ ლიდერი ელენე ხოშტარია სოცოალურ ქსელში ეხმიანება BBC-ის მიერ გამოქვეყნებულ ჟურნალისტურ გამოძიებას, რომელშიც გაშიფრულია ევროპელი პენსიონრების ძარცვის სქემა, ხოლო თაღლითურ სქემასთან კავშირში დასახელებულია საქართველოს ყოფილი თავდაცვის მინისტრი დავით კეზერაშვილი.

ხოშტარიას თქმით, კეზერაშვილისგან არანაირი პარტიული დაფინანსება არ აქვს.

„- ბბს-ს გამოძიება სერიოზული ამბავია, ბრალდებაც მძიმე და ძალიან კარგია, რომ საკითხი, არა საქართველოს, არამედ ბრიტანეთის სასამართლოში გაირკვევა. კარგია, რომ იჩივლებს და ითანამშრომლებს გამოძიებასთან;

– წარმოუდგენელი უღირსობაა მთელი რიგი ადამიანებისგან პირადი ინტერესებისთვის ამ კამპანიაში მონაწილეობა;

– არანაირი პარტიული დაფინანსება მე კეზერაშვილისგან არ მაქვს, არანაირი პოლიტიკური გარიგება მე კეზერაშვილთან არ მაქვს და არავისთან არ მექნება. ვინც ეს მოიგონა, უბრალოდ არაკეთილსინდისიერი ადამიანია. დრო ყველაფერს აჩვენებს;

– თქვენ წარმოიდგინეთ, რომ ფინანსური ინტერესის გარეშე შეიძლება, გქონდეს პოზიცია“, – წერს ელენე ხოშტარია.