"სიცოცხლე კამელინთან ერთად", - ამ სახელწოდების კონფერენცია დღეს სასტუმრო "შერატონ მეტეხი პალასში" გაიმართა.
კონფერენციაზე ის მედიკოსები იყვნენ მოწვეულნი, რომლებიც პრეპარატ "კამელინის" სამეცნიერო-კლინიკურ კვლევებში აქტიურად იყვნენ ჩართულნი.
სხვადასხვა სამედიცინო დაწესებულების ხელმძღვანელებმა შეხვედრაზე საკუთარი გამოცდილების შესახებ ისაუბრეს. დისკუსიის დროს პრეპარატის ფართო გამოყენების აუცილებლობის საკითხიც დაისვა.
კონფერენცია ფარმაცევტული კომპანია "კამელინის" ორგანიზებით გაიმართა.
"კამელინი" სამამულო წარმოების ორიგინალური, განსაკუთრებული სახეობის თაფლისგან დამზადებული სამკურნალო-პროფილაქტიკური საშუალებაა. ის ანტიბლასტომური (სიმსივნის საწინააღმდეგო) და ანტიბაქტერიული პრეპარატია.
პრეპარატი "კამელინი" საქართველოში, მე-20 საუკუნის ორმოციან წლებში, ცნობილი ქირურგის, ბენედიქტე მაღლაკელიძის მიერ შეიქმნა.
