ერთიანი ნაციონალური მოძრაობის თავმჯდომარე, ლევან ხაბეიშვილმა, გიული ალასანიასთან და მიხეილ სააკაშვილის გათავისუფლების შტაბის ხელმძღვანელთან, გიორგი ჩალაძესთან ერთად, შეხვედრა გამართა პოლონეთის სეიმის ვიცე-სპიკერთან, მალგოჟეტა გოშევსკასთან.
ლევან ხაბეიშვილის თქმით, სეიმის ვიცე-სპიკერთან საუბარი შეეხებოდა საქართველოს ევროპულ მომავალს პერსპექტივას.
“გუშინ პატივი მივაგეთ 13 წლის თავზე დაღუპულებს. პოლონეთის პრეზიდენტ კაჩინსკის, მის მეუღლეს, ათობით სამხედრო პირს, სასულიერო პირებს, პოლიტიკურ ელიტას და შესაბამისად გუშინვე გვქონდა შეხვედრა ევროპარლამენტარ ფოტიგასთან. მასთან ერთად მივაგეთ პატივი პრინციპში მასთან ერთად იყო ეს ღონისძიება. ცხადია, გუშინაც ფოტიგასთან, დღეს სეიმის ვიცე-სპიკერთან ჩვენი საუბარი შეეხებოდა საქართველოს ევროპულ მომავალს, პერსპექტივას. ჩვენ, ყველას ვთხოვთ ჩვენს პარტნიორებს მეგობრებს ,რომ ქართველი ხალხი არ უნდა დაისაჯოს რუსი ოლიგარქისა და რეჟიმის გამო და ჩვენ ვიმსახურებთ და უნდა მივიღოთ კანდიდატის სტატუსი, მიუხედავად იმისა, რომ ხელისუფლება გვყავს კრემლიდან მართული. ცხადია, საუბარი შეეხებოდა ორივე შეხვედრაზე პრეზიდენტ სააკაშვილის ჯანმრთელობას და სიცოცხლეს.
რაც შეეხება ვიზიტს, ხვალ 12 აპრილს პრეზიდენტი სააკაშვილი პოლონეთში დაჯილდოვდება კაჩინსკის პრომეთეს ჯილდოთო, რომელიც ასევე სხვადასვა ქვეყნის მაღალი თანამდებობის პირები მიიღებენ ამ ჯილდოს”, - თქვა ხაბეიშვილმა.