მინდა მადლობა ვუთხრა აქციის თითოეულ მონაწილეს, რომელიც გამოვიდა რუსული კანონის წინააღმდეგ და დაიცვა ჩვენი ქვეყნის ევროპული მომავალი, - ასე მიმართა საქართველოს პრეზიდენტს, სალომე ზურაბიშვილს ოპერის თეატრში გამართულ ღონისძიებაზე 7 მარტის აქციის მონაწილემ, ნანა მალაშხიამ.
„მინდა მადლობა ვუთხრა აქციის თითოეულ მონაწილეს, რომელიც გამოვიდა რუსული კანონის წინააღმდეგ და დაიცვა ჩვენი ქვეყნის ევროპული მომავალი. მადლობა ქალბატონო პრეზიდენტო, რომ თქვენ დღეს დგახართ საქართველოს მოქალაქეების გვერდით და კარგად გესმით ჩვენი ხალხის დაკვეთა გახდეთ ევროპული ოჯახის წევრი. იმ ევროპული ოჯახისა, სადაც არსებობს დამოუკიდებელი და სამართლიანი სასამართლო. თავისუფალი პოლიტიკურად მოტივირებული სასამართლოსგან, სადაც სრულად დაცულია მედიის თავისუფლება, ქალთა უფლებები, უმცირესობის უფლებები. უამრავ სხვა სიკეთესთან ერთად, რასაც ქვეყნის უსაფრთხოება კეთილდღეობა ჰქვია. მინდა მადლობა გითხრათ იმ განცხადებებისთვის, რომელსაც თქვენ აჟღერებთ უკრაინის მიმართ და ის სრულ თანხვედრაშია საქართველოს მოქალაქეების ურყევ მხარდაჭერასთან და სოლიდარობასთან უკრაინასთან დაკავშირებით. ვფიქრობ, თქვენ გამოიყენებთ თქვენს ყველა რესურსს და ბერკეტს ქვეყნისთვის ამ ურთულეს მომენტში. გამოიყენებთ თქვენს ბერკეტებს და ჩვენ ერთ დღეს, აუცილებლად გავხდებით NATO-სა და ევროკავშირის წევრი, მე ამის მჯერა. მჯერა, რომ უკრაინა ჩვენთან ერთად გახდება NATO-სა და ევროკავშირის წევრი“, - თქვა ნანა მალაშხიამ.
დღეს, საქართველოს პრეზიდენტმა 9 აპრილის სიმბოლო, ქალი საქართველოს დროშით, ნანა მახარაძე და მიმდინარე წლის მარტის აქციებზე, ქალი ევროკავშირის დროშით ნანა მალაშხია ღირსების მედლით დააჯილდოვა.
