2023 წელს, რუსული თეატრები რუსეთისგან ფინანსურ დახმარებას 10 ქვეყანაში მიიღებენ, - ამის შესახებ ინფორმაციას რუსული სააგენტო „ტასი“ ავრცელებს.
რუსეთის ფედერაციის კულტურის მინისტრის მოადგილის, ალა მანილოვას განცხადებით, რუსული თეატრების ფინანსური დახმარება განხორციელდება უახლესი თეატრალური სასცენო აღჭურვილობის შეძენისა და საპრემიერო სპექტაკლების დადგმის ხელშეწყობის მიმართულებით. მანილოვას თქმით, 5 მლ რუბლი აღჭურვილობისთვის და 5 მლნ რუბლი სპექტაკლების დადგმებისთვის გამოიყოფა.
თეატრებს შორის, რომლებიც დაფინანსებას რუსეთის ფედერაციისგან მიიღებენ, არის თბილისში არსებული ალექსანდრე გრიბოედოვის სახელობის რუსული დრამატული თეატრი.
დაფინანსებას მიიღებენ ოკუპირებულ აფხაზეთსა და ცხინვალის რეგინში არსებული თეატრებიც, ასევე სომხეთში, ბელარუსში, ყაზახეთში, ყირგიზეთში, ტაჯიკეთში, თურქმენეთსა და უზბეკეთში.
