მიუხედავად იმისა, რომ ხელისუფლებაში დღეს არიან რუსეთის მოკავშირეები, რომლებიც ცდილობენ ჩაშალონ კანდიდატის სტატუსი, დღეს ევროკავშირში ჩვენს ქვეყანას უამრავი მეგობარი ჰყავს, - ამის შესახებ სალომე სამადაშვილმა პლენარულ სხდომაზე განაცხადა.
მისივე თქმით, სწორედ ამიტომ მიესალმება ყველა ინიციატივას, რომელსაც საქართველოს პრეზიდენტი აჟღერებს.
„ძვირფასო მეგობრებო, მიუხედავად იმისა, რომ ხელისუფლებაში დღეს არიან რუსეთის მოკავშირეები, რომლებიც რუსეთის დავალების შესრულებას ცდილობენ და სურთ ჩაშალონ კანდიდატის სტატუსი, დღეს ევროკავშირში ჩვენს ქვეყანას და ჩვენს ხალხს უამრავი მეგობარი ჰყავს.
ეს მეგობრები ყველაფერს აკეთებენ, რომ გადარჩეს ამ ქვეყნის ევროპული პერსპექტივა. ამიტომ ძალიან მნიშვნელოვანია სრული საზოგადოებრივი კონსოლიდაცია, რომ ჩვენ ხელისუფლებას არ მივცეთ საშუალება წაგვართვან შანსი ვიცხოვროთ ევროპულ საქართველოში“, - განაცხადა სალომე სამადაშვილმა.
