კრემლის პროპაგანდისტი, ვლადიმირ სოლოვიოვი საქართველოს პრემიერ-მინისტრის, ირაკლი ღარიბაშვილის გუშინდელ ინტერვიუს ეხმიანება და მასზე ამბობს: საქართველოს პრემიერი კაცია და კვერცხები აქვს.
სოლოვიოვმა სოციალურ ქსელში ღარიბაშვილის ის ციტატები გააზიარა, რომელშიც ის უკრაინის ოფიციალურ პირებს აკრიტიკებდა.
„თქვენ ახსენეთ ზელენსკის მიმართვა. ახლა ომში მყოფი ადამიანი როდესაც იცლის და აქ, საქართველოში რამდენიმეათასიანი ადამიანის დესტრუქციულ აქციას ეხმაურება, ეს პირდაპირ არის მტკიცებულება, რომ ეს ადამიანი ჩართულია, მოტივირებულია, რომ აქაც რაღაც მოხდეს, შეიცვალოს“, – აღნიშნა ირაკლი ღარიბაშვილმა.
