ვაპირებ, შევხვდე კონსილიუმის წევრებს, ასევე მიხეილ სააკაშვილის ოჯახს. რა თქმა უნდა, სურვილის შემთხვევაში, აუცილებლად მოვინახულებ მიხეილ სააკაშვილს, - ამის შესახებ სახალხო დამცველმა ლევან იოსელიანმა განაცხადა.
„ვაპირებ, შევხვდე კონსილიუმის წევრებს, ასევე მიხეილ სააკაშვილის ოჯახს. რა თქმა უნდა, სურვილის შემთხვევაში, აუცილებლად მოვინახულებ მიხეილ სააკაშვილს. ჯერ არავის შევხვედრილვარ. სულ რამდენიმე დღეა, რაც დავიწყე საქმიანობა და ამ ყველაფერს აუცილებლად გავაკეთებ“, – განაცხადა ლევან იოსელიანმა.
მისი თქმით, წინა სახალხო დამცველის მიერ მომზადებული ყველა დოკუმენტი ძალაში იქნება.
„რაც შეეხება ყველა დასკვნას, დოკუმენტს, რაც სახალხო დამცველის მიერ იქნა მომზადებული, ამასთან დაკავშირებით კითხვები იყო, ხომ არ ვაპირებ რაღაცების გამოხმობას ან რაღაცებზე უარის თქმას. მინდა, დავამშვიდო ყველა, ყველა დოკუმენტი, ყველაფერი იქნება ძალაში, რომელიც ჩემი წინამორბედის მიერ მომზადდა“, – განაცხადა ლევან იოსელიანმა.
