ყოფილი ამერიკელი კონგრესმენი ადამ კინზინგერი ეხმიანება საქართველოს პრემიერ-მინისტრ ირაკლი ღარიბაშვილის განცხადებას, რომ დასავლეთს საქართველოს ომში ჩართვა სურს.
„ეს აბსოლუტურად ტყუილია და პრემიერ-მინისტრმა ეს იცის. რატომ გვენდომება საქართველოს მიერ ომის გაფართოება? არ გვინდა და მათ ეს იციან. რატომ სურს „ქართულ ოცნებას“ დამარცხებულის, რუსეთის ტერორისტული სახელმწიფოს მხარეს დგომა? მე ვიცნობ ქართველ ხალხს. როგორც ჩანს, პრემიერ-მინისტრი - არა“, - წერს კინზინგერი ტვიტერში.
