„ხუნდაძე ივანიშვილის აზრების ჩვეულებრივი გამხმოვანებელია, ამით გრძელდება ანტიდასავლური კამპანია იმის ნაცვლად რომ ქართული ოცნება დაკავებული იყოს რუსეთის ფაშისტური ხელისუფლების კრიტიკით, რომელიც თავს დაესხა უკრაინას და ბომბავს მშვიდობიან მოსახლეობას“ - ასე ეხმაურება „ევროპული საქართველოს“ წევრი, ლაშა დამენია დიმიტრი ხუნდაძის განცხადებას.
„მათი ეს დამოკიდებულება ნათელი დადასტურებაა იმისა, რომ ამ ომში საქართველოს კოლაბორაციონისტული ხელიფუსლება ჩვეულებრივ თანამშრომლობის რეჟიმშია პუტინის რუსეთთან“ - განაცხადა ლაშა დამენიამ.
დიმიტრი ხუნდაძემ რუსეთ-უკრაინის ომზე საუბრისას განაცხადა: "გამარჯვებულის და დამარცხებულის ლოდინში უკრაინა კიდევ უფრო მეტ ზიანს მიიღებს, მაგრამ ზიანი უკრაინამ უკვე მიიღო. ვფიქრობ, რომ პოლიტიკოსისთვის მისი პოლიტიკური ხარისხი არის მაღალი და სახელმწიფოსთვის მისაღები, მაშინ, როდესაც ის ქვეყანას ააცილებს შესაძლო ომს და არა, ვთქვათ, ჩართავს საკუთარ საზოგადოებას ამ ბრძოლაში".