რუსი უფლებადამცველი მარკ ფეიგინი მიხეილ სააკაშვილთან დაკავშირებით მორიგ ტვიტს ავრცელებს და წერს, რომ წერილი საქართველოს პრეზიდენტისგან გუშინ მიიღო ტოქსიკოლოგიურ დასკვნასთან ერთად. ფეიგინის თქმით, მიხეილ სააკაშვილის დასახმარებლად გეგმა აქვთ, თუმცა ჯერ ელოდებიან საქართველოს ხელისუფლების რეაქციას:
“მიხეილ სააკაშვილის წერილის საფუძველზე, რომელიც გუშინ გადმომცეს, და ასევე მისი მოწამვლის შესახებ ტოქსიკოლოგის დასკვნასთან დაკავშირებით. ჩვენ გვაქვს გეგმა მიხეილის დასახმარებლად, მაგრამ ჯერ დაველოდებით საქართველოს ხელისუფლების რეაქციას. თუ არაფერი არ მოხდა, მაშინ ვიწყებთ მოქმედებას. მაგრამ! ამ გეგმის განხორციელებაში აუცილებელი იქნება მონაწილეობა მიიღოს ყველამ",- წერს ის ტვიტერზე.
შეგახსენებთ, მიხეილ სააკაშვილმა ფეიგინს წერილი მისწერა, სადაც მესამე პრეზიდენტი წერს, რომ პუტინმა მისი ციხეში მოკვლის ბრძანება გასცა. წერილი უფლებადამცველმა ტვიტერზე დადო და აღნიშნა - "თუ არაფერს მოვიმოქმედებთ, მიხეილ სააკაშვილი მოკვდება"