თამარ სხირტლაძე დაკრძალეს, მსახიობი დღეს მარჯანიშვილის სახელობის თეატრიდან გამოასვენეს. სამოქალაქო პანაშვიდზე კოლეგებმა თამარ სხირტლაძე გაიხსენეს.
თამარ სხირტლაძის სამოქალაქო პანაშვიდზე იმყოფებოდა საქართველოს პრეზიდენტი სალომე ზურაბიშვილი.
„თამარ სხირტლაძე არაჩვეულებრივი მსახიობი იყო. დარწმუნებული ვარ, მის კარიერაზე აქ სხვა ადამიანებმა ბევრად მეტი იციან, ბევრი უნახავთ და გაიხსენებდნენ მის სხვადასხვა როლს. მე მას მხოლოდ ბოლო პერიოდში ვიცნობდი, მაგრამ ვიცნობდი, როფორც არაჩვეულებრივი ენერგიის ადამიანს, ბევრზე უფრო ახალგაზრდას, ამით დამამახსოვრდება. თითქმის ტოლი, ისეთი მეგობარი იყო, რომელთანაც ძალიან თავისუფალი, უშუალო ურთიერთობა შეიძლებოდა. ენერგიული და თავისუფალი ქალი დაგვაკლდება“, – განაცხადა ზურაბიშვილმა.
საქართველოს სახალხო არტისტი თამარ ხსირტლაძე 93 წლის ასაკში გარდაიცვალა.
