რუსეთის მიერ უკრაინის ენერეგეტიკის განადგურების მცდელობა ამ ზამთარს მილიონობით უკრაინელის სიცოცხლეს საფრთხეს უქმნის. ამის შესახებ ჯანდაცვის მსოფლიო ორგანიზაციის რეგიონულმა დირექტორმა, ჰანს კლუგემ განაცხადა.
„უკრაინის ენერგეტიკის ინფრასტრუქტურის ნახევარი დაზიანებულია ან განადგურებულია. ეს უკვე გავლენას ახდნეს ჯანდაცვის სისტემასა და ადამიანების ჯანმრთელობაზე“, - განაცხადა კლუგემ კიევში გამართულ ბრიფინგზე.
ჯანმო-ს შეფასებით, ამ ზამთარს თავიანთ სახლებს „სითბოსა და უსაფრთხოების საძებნელად“ კიდევ ორ-სამი მლნ უკრაინელი დატოვებს. ქვეყნის მოსახლეობას გათბობისა და სინათლის არარსებობის პირობებში უფრო მეტად ემუქრება სასუნთქი გზების ინფექციები, გრიპი და კორონავირუსი.
კლუგეს თქმით, ენერგეტიკის წინააღმდეგ რუსეთის დარტყმების გამო, ასობით საავადმყოფო და ჯანდაცვის სისტემის სხვა დაწესებულებები ნორმალურად ვერ მუშაობს - არ აქვთ ან არ ჰყოფნით ელექტროენერგია და წყალი.
ამასთან, პროგნოზის თანახმად, ამ ზამთარს ტემპერატურა, შესაძლოა მინუს 20 გრადუსამდე დაეცეს.
ზაპოროჟიეს ატომური ელექტროსადგური უკრაინაში ელექტრონერგიის 25 პროცენტზე მეტს გამოიმუშავებდა. ამჟამად, ის ფაქტობრივად არ მუშაობს და ინტენსიურად იბომბება. გასულ დღეებში ატომური ელექტროსადგური კვლავ ცეცხლის ქვეშ მოექცა.
