- პოლიტიკა 11 ნოემბერი 2022, 13:06
ამ ადამიანს უნდა, რომ პარტიის თავმჯდომარე გახდეს? დაგვცინით? - გოცირიძე ჩალაძეზე
"დაგვცინით?" - ერთიანი ნაციონალური მოძრაობის დეპუტატი, რომან გოცირიძე გიორგი ჩალაძის მიერ პარტიის თავმჯდომარედ საკუთარი კანდიდატურის დაყენებას ეხმაურება და მის მიერ 21 აგვისტოს გამოქვეყნებულ Facebook-პოსტის ფოტოს ავრცელებს.
"ამ ადამიანს უნდა რომ პარტიის თავმჯდომარე გახდეს? დაგვცინით?
ეს პოსტი, შევარდნაძე-ქართული ოცნების დეზინფორმაცია, გამოაქვეყნა აგვისტოს თვეში, სრულიად უმიზეზოდ.
კომიკური სახე მიიღო უკვე პროცესმა. პარტიაში უნდა ჩატარდეს დემოკრატიული არჩევნები და პარტიის ხელმძღვანელობის ყველა რგოლი უნდა დაკომპლექტდეს ღირსეული და კვალიფიციური ადამიანებით". - წერს გოცირიძე.
ერთიანი ნაციონალური მოძრაობის წევრმა, გიორგი ჩალაძემ პარტიის თავმჯდომარეობისთვის საკუთარი კანდიდატურა დღეს, 11 ნოემბერს დააყენა.
