სიღნაღის რაიონის სოფელ ქვემო მაჩხაანის მოსახლეობა 26 წლის ილგარ ქარიმოვის ლინჩის წესით გასამართლებას ითხოვს.
ადგილობრივები მოითხოვენ ქარიმოვის ოჯახმა სოფელი დატოვოს, პოლიციამ კი ჩხრეკა ჩაატაროს და აზერბაიჯანელების ოჯახებიდან იარაღი ამოიღოს.
ადგილობრივი მოსახლეობა მოთხოვნის დაუკმაყოფილებლობის შემთხვევაში მკვლელობაში ბრალდებულის ოჯახის წევრების მიმართ ანგარიშსწორებას თავად აპირებს.
ილგარ ქარიმოვს ბრალი ედება სამი ადამიანის განზრახ მკვლელობაში. შსს-ს ინფორმაციით, ქარიმოვმა სოფელ ყარაღაჯში ბენინგასამართ სადგურზე 23 წლის მურად შანშაშვილი, 24 წლის ალიკა პაპაშვილი და 41 წლის ვაჟა ნატროშვილი ავტომატით ჩაცხრილა. ნიკოლოზ პაპაშვილი კი ფეხში დაიჭრა. იგი წნორის საავადმყოფოშია მოთავსებული.
