"რუსთავი 2"-ის ინფორმაციით, ქუთაისში, "საქართველოს ბანკში" შეჭრილმა შეიარაღებულმა თავდამსხმელმა რამდენიმე მძევალი გაათავისუფლა.
აღნიშნულთან დაკავშირებით შინაგან საქმეთა სამინისტრო ინფორმაციას ამ ეტაპზე არ ავრცელებს.
ცნობისთვის, შეიარაღებული პირი ბანკში დაახლოებით რამდენიმე საათის წინ შეიჭრა. თავდამსხმელი რუსულ დროშას, ანკესს, ვერტმფრენს და 2 მილიონ დოლარს მოითხოვს. ამ დრომდე გავრცელებული ვიდეოებში ჩანს, რომ ის მძევლების ჩანაცვლებაზე უარს ამბობს, მათ იყენებს ცოცხალ ფარადაც. ბანკის შესასვლელ კარზე მიმაგრებულია მოწყობილობა, რომელიც ასაფეთქებელ ნივთიერებას ჰგავს. ვიდეოებში ჩანს, რომ თავდამსხმელს ტანზეც აქვს მოწყობილობა, რომელიც ასევე ასაფეთქებელ ნივთიერებას ჰგავს. მას ხელში უჭირავს სავარაუდოდ ხელყუმბარა, რომელიც წებოვანი ლენტით აქვს დამაგრებული.