რუსეთის თავდაცვის სამინისტროს განცხადებით, კალინინგრადის ოლქში განალაგეს 3 ერთეული МиГ-31-ის ტიპის ავიაგამანადგურებელი. იტყობინება კრემლის კონტროლს დაქვემდებარებული სააგენტო „რია“.
უწყების ინგორმაციით, ავიაგამანადგურებლები აღჭურვილია ჰიპერბგერითი, "კინჟალის" ტიპის რაკეტებით.
"დღეს, 2022 წლის 18 აგვისტოდან, სტრატეგიული შეკავების დამატებითი ღონისძიებების ფარლგებში, 3 ერთეული МиГ-31-ის ტიპის თვითმფრინავი, რომლებიც ჰიპერბგერითი, "კინჟალის" ტიპის რაკეტებით არის აღჭურვილი, განლაგდა კალინინგრადის ოლქში", - ნათქვამია სამინისტროს შეტყობინებაში.
ამასთან, თავდაცვის სამინისტრო აღნიშნავს, რომ საბრძოლო თვითმფრინავები დღე-ღამის განმავლობაში განახორციელებენ მორიგეობას.
რუსეთის სამხედრო ძალების მტკიცებით, "კინჟალის" სარაკეტო სისტემას შეუძლია სამიზნეების განადგურება 2000 კმ-ზე მეტ მანძილზე და აქვს უნარი გადალახოს ყველა არსებული საჰაერო და რაკეტსაწინააღმდეგო თავდაცვის სისტემა.
რუსეთმა პირველად გამოიყენა ეს იარაღი სირიაში სამხედრო კამპანიის დროს 2016 წელს. მარტში რუსეთმა განაცხადა, რომ უკრაინაში სამიზნეების გასანადგურებლად, "კინჟალის" ჰიპერბგერითი რაკეტები გამოიყენა.
