მსოფლიოს მოსახლეობა 2022 წლის 15 ნოემბრამდე 8 მილიარდ ადამიანამდე გაიზრდება.
მოსახლეობის ზრდის პროგნოზის თაობაზე ინფორმაციას აქვეყნებს გაეროს ეკონომიკური და სოციალური საკითხების დეპარტამენტი.
ამასთან, აღნიშნნულია, რომ მსოფლიოს მოსახლეობა განაგრძობს ზრდას, თუმცა ზრდის ტემპი ნელდება. გაეროს ცნობით, 2020 წელს მოსახლეობის გლობალური ზრდის ტემპი წელიწადში 1%-ზე დაბლა დაეცა, პირველად 1950 წლის შემდეგ.
გაეროს მიერ გამოქვეყნებულ ინფორმაციაში ასევე ნათქვამია, რომ 2030 წლისთვის მოსახლეობის რაოდენობა დაახლოებით 8.5 მილიარდი იქნება, 2050 წელს პლანეტაზე 9.7 მილიარდი ადამიანი იცხოვრებს, ხოლო 2010 წელს - 10.4 მილიარდი.
ორგანიზაციის ცნობით, 2050 წლისთვის პროგნოზირებული ზრდის ნახევარზე მეტი კონცენტრირებული იქნება რვა ქვეყანაში: კონგოში, ეგვიპტეში, ეთიოპიაში, ინდოეთში, ნიგერიაში, პაკისტანში, ფილიპინებსა და ტანზანიაში.
გაეროს პროგნოზის მიხედვით, 2027 წელს ინდოეთი ჩინეთს გადაუსწრებს, როგორც ყველაზე დასახლებული ქვეყანა.