9 აგვისტოს, რუსულმა რაკეტამ დედამიწის ორბიტაზე წარმატებით გაიყვანა ირანის კოსმოსური თანამგზავრი.
რუსული რაკეტა "სოიუზი" ყაზახეთში მდებარე კოსმოსურ სადგურ ბაიკანურიდან გაეშვა. სტარტის აღებიდან 9 წუთის შემდეგ, რაკეტამ ორბიტაზე გაიყვანა ირანის თანამგზავრი "ხაიამი".
ირანი ირწმუნება, რომ მაღალი გარჩევადეობის კამერით აღჭურვილი თანამგზავრი გამოყენებული იქნება სასოფლო-სამეურნეო მიზნებისთვის, გარემოს მდგომარეობის მონიტორინგისთვის.
თეირანის მტკიცებით, თანამგზავრი მთლიანად მის კონტროლქვეშ დარჩება და არც ერთ სხვა ქვეყანას არ მიეცემა მასზე წვდომის შესაძლებლობა.
ექსპერტები შიშობენ, რომ შესაძლოა, რუსეთმა ირანის თანამგზავრი უკრაინაში სამხედრო ობიექტებზე სათვალთვალოდ გამოიყენოს.